Elementor #1364

حاول إنك مش تضغط علي نفسك وتحاول تسامح نفسك مهما غلطت . مفيش حد بيتعلم منغير ما يغلط. انتا فاكر إن الناس هتفضل مركزة معاك ولكن في الواقع الناس دي عندها هموم ومشاغل تانية وهينسوا أخطاءك ومحدش   هيبقي مركز معاك زي منتا فاكر.  

 ولكن في نفس الوقت مش معني إني بقولك اغلط كتير وتقبل غلطك  ده دعوة للتراخي والكسل عن إني اتعلم من أخطائي. لازم أعرف أنا غلطت في ايه واكتب الأخطاء دي في كشكول كل شوية وأحاول جاهدا إني مكررهاش. أي حد فينا مهما كان ذكي أو محترف بردو هيغلط ولكن الفكرة إننا بنحاول إننا نقلل أخطاؤنا

عن طريق إنك تذاكر أول بأول الكلام اللي بيتقال وتكتب كل الحاجات المهمة في كشكول وتحاول تطبقه في حياتك اليومية. غير طبعا الالتزام بالواجبات والتمارين اللي بعد كل فيديو وفي خلال أسابيع  هتحس بتغيير ملحوظ للأفضل بإذن الله.